مقادير المنين بالعجوة
- 1 كيلو دقيق
- 2 كوب سمن
- نصف كوب زيت
- 2 معلقة كبيرة سمسم
- 2 معلقة خميرة
- 1 معلقة سكر
- 1 كوب ماء دافيء
- 1 كوب لبن دافئ
- 2 معلقة ريحة كحك أو معلقة شمر محمص و مطحون +معلقة يانسون محمص و مطحون
- ربع معلقة ملح
حشوة المنين بالعجوة
- نص كيلو عجوة
- 1معلقة كبيرة سمنة
- 2 معلقة كبيرة سمسم محمص
- 1 معلقة صغيرة قرفة
طريقة عمل المنين بالعجوة
- نفصص العجوة و نفرمها ناعم و نعجنها بالسمنة و السمسم و القرفة
- نحط الخميرة مع السكر و ندوبها في الماء الدافيء و نسيبها شوية لحد ما تخمر
- ننخل الدقيق مع الملح و نحطه في طبق العجين و نخلط معاه السمسم و ريحة الكحك أو الشمر و اليانسون
- نسخن السمنة كويس و نصبها فوق الدقيق و نقلب بالمعلقة لحد ما يبرد
- نضيف الزيت و نبس العجينة كويس ( نفركها باليد )
- نضيف الخميرة واللبن و نعجن العجينة كويس أوي لحد ما تبقى العجينة ناعمة
- نغطي العجينة و نخليها في مكان دافيء لحد ما تخمر
- نأخد قطعة من العجين في حجم قبضة اليد و نفردها على شكل مستطيل و نحشيها بالعجوة و بعدين نقفل العجين على العجوة و نضغط على العجين و نقطعه بالسكينة على شكل صوابع أو نشكله بأي شكل تاني و نرصه في الصواني و ندهن الوش بسمنة سايحة ونرشة بالسمسم و نخلي المنين يخمر تاني
- ندخل الصواني فرن متوسط الحرارة لحد ما يستوي.وبألف هنا ليكم .المنين بالعجوة ينفع للفطار مع الشاي ولأولاد المدارس