الغريبة من المخبوزات الجميلة والكثير منا يعشقها وهي مرتبطة بالأعياد والأفراح والمناسبات كثير منا يصنعها في الأعياد ولكن لا مانع في عملها من وقت لآخر ويمكنك حفظها في علبة محكمة الغلق وتظل لمدة كافية صالحة الأستخدام فنقدم لك الأن طريقة عمل الغريبة بكل سهولة في المنزل
مقادير الغريبة
- كوبين دقيق (250 جرام)
- كوب سمنه (125 جرام)
- نصف كوب سكر بودرة (75 جرام)
- ربع معلقة صغيرة فانيليا
- ذرة ملح بسيطة
- للتزيين لوز أو فستق مقطع انصاف
طريقه تحضيرالغريبة
- نطلع السمنة من الثلاجة وتكون في درجة حرارة الغرفة ونحطها فى بولة ونضيف عليها السكر البودرةو الفانيليا والملح ونضربهم مع بعض كويس بالمضرب الكهربائى لحد ما نحصل على قوام كريمى تقيل ولونه فاتح.
- نضيف الدقيق ونقلب بايدينا او بمعلقة خشب لحد ما نحصل على عجينه ناعمة.
- ندخل العجينة الثلاجة لمدة ساعة حتي ترتاح وبعدين نشكلها كرات صغيرة ونضغط عليها ضغطة خفيفة فى المنتصف ونزينها باللوز أو الفستق ونرصها فى الصواني.
- ندخلها الفرن على درجة حرارة 120 لمدة 12-10 دقيقة ونخلى بالنا ان لونها مش حيتغير احنا نبص عليها ولما نلاقيها مسكت نفسها أو أحرك الصينية يمين وشمال لو إتحركت الغريبة كده تبقى استوت وبعدين نخرجها من الفرن ونسيبها تبرد خالص لأن لو حركنها وهي سخنة حتتفتت مننا وبعدين نشيلها من الصينية وتقدم بألف هنا وشفا